PostHeaderIcon 1 МАЯ – ДЕНЬ МЕЖДУНАРОДНОЙ СОЛИДАРНОСТИ

В нем цементирован то, что способно пережить невзгоды и сегодня победить пандемию - это солидарность международная... Ни одна страна в мире не может в одиночку побороть этот недуг. Это научно-обоснованные анализы ведущих ученных: биологов, вирусологов, экономистов и политиков мира.

Муфассал...

 

PostHeaderIcon Ба васвасаи шайтанат набояд бовар кард

Имрӯзҳо, ки вазъияти ҷаҳони муосир бо сабаби хеле зиёд паҳн гардидани бемории коронавируси нав муташанниҷ гардида, ба рушди иқтисодиёту иҷтимоиёт ва фарҳангу маънавиёти саросари олам садди роҳ шуда истодааст, ашхосе ҳастанд, ки ба ҷои дар ҳамин лаҳзаҳои мудҳиш кори хайреро ба ҷо оранд, дурӯғу туҳмату найрангу ҳиллаҳои ғаразноку буҳтонҳои беасосро тавассути расонаҳои интернетию иттилоотӣ паҳн менамоянд ва мардумро ба таҳлуқа меандозанд. Ба ин қабил одамон махсусан фирориёни ҲНИ, ки дар мамолики хориҷӣ барои хоҷагони худ хизмат мекунанд, дохил мешаванд. Онҳо аз вазъияти имрӯз ба амаломада истифода бурда, андешаҳои нодурусту буҳтонҳои зиёде дар ҳаққи давлату ҳукумати Тоҷикистон мезананд.

Ин гурӯҳи беватану бемиллату аҷнабипараст изҳор мекунанд, ки гӯё дар Тоҷикистон ҷиҳати пешгирии бемории даҳшатноки коронавирус СОVID-19 роҳбарият бетараф бошад, ғами мардумро нахӯрад, ягон чораи мушаххасе наандешад. Ин тамоман нодуруст аст. Дар Тоҷикистон аз рӯзе, ки ин беморӣ дар шаҳри Ухану музофоти Хубейи Чин аён гардид, табибону мутахассисон, роҳбарону шаҳрдорон ва кулли онҳое, ки ба ин масъала марбутанд, баҳри андешидани чораҳо ҷиддан кӯшиш ба харҷ доданд.

Тавре дар мусоҳибаи Вазири тандурустӣ ва хифзи иҷтимоии аҳолии Ҷумҳурии Тоҷикистон Насим Олимзода бо рӯзноманигори «Ҷумҳурият» Хуршеди Ҷовид иттилоъ ёфтааст, барои пешгирӣ намудани беморӣ ва бистарӣ кардани гумонбарон тамоми имкониятҳо истифода бурда шуданд. Дар аввал агар дар ҷумҳурӣ шумораи умумии катҳои табобатӣ 51 ҳазор ададро ташкил диҳанд шумораи катҳои сироятӣ 3696 адад буданд. Аз ҷумла дар шаҳри Душанбе теъдоди чунин катҳо 642 ададро ташкил медод. Бо назардошти эҳтимолияти сар задании хурӯҷи сирояти коронавирус ҳамон вақтҳо 1150 адад кат дар ҳоли омодабош қарор дошт. Кайҳо боз муассисаи давлатии Маҷмаи тандурустии «Истиқлол», беморхонаи клиникии бемориҳои сироятии шаҳри Душанбе, муассисаи давлатии Маркази миллии тиббии Тоҷикистон «Шифобахш», беморхонаи ҷумҳуриявии бемориҳои чашм ва боз чандин ҷойҳои дигар дар шаҳри Душанбе, дар вилояту ноҳияҳои ҷумҳурӣ барои гумонбарон теъдоди зарурии катҳо ва биноҳо ҷудо карда шудааст.

Мавриди зикр аст, ки то 9 апрели соли равон аз карантин 5243 нафар, ки аз хориҷ ворид шуда буданд, ҷавоб шуда, 2014 нафар низ дар ҳолати ҷавоб додан буданд. Аз шумораи умумии аз хориҷ ба ҷумҳурӣ воридшудагон 317 нафарашонро шаҳрвандони хориҷӣ аз Афғонистон, Россия, Чин ва Ӯзбекистон омада ташкил доданд. Шумораи афроди аз хориҷ ба Тоҷикистон омада, албатта, дар ҳоли афзоиш аст. Ба ин хотир, ба ҷуз аз муассисаҳои тандурустӣ, истироҳатгоҳу осоишгоҳҳо, инчунин муассисаҳои вазорату кумитаҳо ва корхонаҳо низ мавриди истифода қарор гирифтанд.Осоишгоҳҳои «Хоҷа Оби Гарм», «Харангон», «Оламбӣ», осоишгоҳҳои Вазорати корҳои дохилию Вазорати меҳнат ва шуғли аҳолӣ ва дигар ҷойҳо воридшудагонро барои аз карантин гузаштан қабул карданд. Дар маҷмӯъ то 9 апрел 7257 нафар ба карантин фаро гирифта шуда буд.

Имрӯзҳо ҷиҳати зиёд намудани катҳои табобатӣ чораҳои мушаххас андешида шуда истодааст. Иловатан 3150 адад кати табобатии нав боз омода хоҳад шуд. Вале ин ҳам ҳадди ниҳоӣ нест.

Дар баробари ин, вобаста ба имкониятҳо барои таъмин бо таҷҳизот ва дигар васоити ташхису табобат низ корҳои зиёде ба сомон расида истодааст: зиёд кардани тест-системаҳо, теплосканерҳо, ҳароратсанҷҳо, тепловизорҳо, нақлиёти ёрии таъҷилӣ, дастгоҳҳои нафасгирии сунъӣ, ҳуҷраҳои интенсивии махсусгардонда барои пиронсол ва маъюбон, оксигенераторҳо, электрокардиографҳо, ларингоскопҳо, дастгоҳҳои сайёри рентгенӣ, катҳои чархдор, аробачаҳо барои интиқоли беморон, кислород, озмоишгоҳҳои ташхисӣ, таъмини маводҳои хлор, маҳлулҳои хлордор, автоклавҳо, маводи дорувории зиддивирусӣ дар мадди назари Вазорати тандурустӣ ва ҳифзи иҷтимоии аҳолии кишвар мебошад.

Ҷиҳати таъмини кадрҳо, тавре дар мусоҳибаи Вазири тандурустӣ ва хифзи иҷтимоии аҳолии Ҷумҳурии Тоҷикистон қайд гардид, 418 нафар сироятшиносон, 427 нафар эпидемиологҳо, 688 нафар табибони наҷот ва беҳискунӣ дар хизмат омодаанд. Дар зарурат боз имконият ҳаст аз дигар шаҳру ноҳияҳо низ мутахассисон ҷалб карда шаванд.

Чунон ки аз ин омодагиҳо бармеояд, дурӯғу буҳтонҳои наҳзатиён тамоман беасос аст. Охир наҳзатиён онҳоеанд, ки барои онҳо на ватан, на миллат, на халқ, на давлат арзише надорад, балки барои онҳо танҳо ва танҳо пул, боигарӣ арзишнок аст. Аз ин рӯ, коре карда супоришу фармудаҳои хоҷагонашонро иҷро кунанд ва боигарии худро зиёд намоянд.

Дар як суҳбат бо намояндаи пешвақтаи онҳо махсуми Муқтадо мо хуб фаҳмидем, ки барои иҷрои мақсадҳои ғаразнокашон роҳбарони наҳзатӣ ҳатто мазҳабашонро фурӯхта, ба мазҳаби шиа гузашта буданд. Онҳое, ки ба чунин падидаҳои номатлубу бевиҷдонона ва беимонона даст мезананд, магар сазовори боварианд? Ҳаргиз не! Ва имрӯз боз бо дурӯғу фитнаҳои худ мехоҳанд сари мардуми моро вайрон карда, дар онҳо ҳисси бадбинӣ ва нафратро нисбат ба давлату ҳукумат бедор созанд. Вале мардуми Тоҷикистон ҳеҷ гоҳ ба васвасаю найрангҳои наҳзатиён дигар бовар намекунанд.

Роҳбари фирории ҲНИТ М. Кабирӣ, ки парвои дину имону инсоф надорад ва танҳо ва танҳо дастуру супоришҳои хоҷагонашро ба хотири маблағҳои калону ҳароми онҳо иҷро мекунад, магар ӯ парвои миллату ватану дину мазҳаб дорад. Не, албатта!

Дар гуфтаҳояш, ки мо ҳаррӯз тавассути сомонаҳои интернетӣ ва шабакаҳои махсусшуда мебинему тамошо мекунем, чунон суханвару сухандону ба қавли худаш ватандӯстона суханронӣ мекунад, ки гӯё ягон ғаразе нисбати давлату ҳукумат надошта бошад. Аммо таҳлилҳо нишон медиҳанд, ки ӯ давлату миллат, мазҳаб ва дину имонашро кайҳо боз бо дипломатии пул фурӯхтааст ва имрӯз дигар ба ғайр аз вағвағу ҷағҷағ чорае надорад ва шармандавор бо ҳамроҳии гумроҳкунандагонаш аз Ватан фирор кардаанд.

Ҳар, ки бо душмании халқ равон аст чу баҳр,

Зуд бошад, ки сари хеш чу гирдоб хӯрад.

Имрӯз моро зарур аст, ки ба ҷои ба ин васвасаю найрангу буҳтонҳо диққат додан ба риояи қоидаҳои санитарию гигиенӣ, махсусан гигиенаи шахсӣ ва ҷамъиятӣ машғул шуда, аз бемории шадиди коронавируси нав худро эмин дорем, тавсияю маслиҳатҳои мутахассисонро иҷро кунем, то аз ин вабои аср бенуқсон гузарем.

Мардуми тоҷик дилсофу нисбати оянда хушбин мебошад. Бо ҷаҳду талошҳо ва амалӣ сохтани тавсияҳою имкониятҳое, ки мавҷуд аст, иншаоллоҳ аз ин мушкилӣ мегузарем ва барои ин танҳо ва танҳо меҳнат кардан лозим аст, то ки аз ин вазъияти буҳронии ҷаҳон баромада тавонем.

Н.Фозилҷон,узви иттифоқи журналистони Тоҷикистон

 

PostHeaderIcon Тавсияҳо барои пешгирӣ аз коронавирус СОVID-19

Моро мебояд,ки ба таҳлука наафтида, тарзи ҳаёти солимро пеш гирем, ба табибони худ бовар кунем ва ба зиндагӣ хушбин бошем

*Дастонро дар як рӯз якчанд маротиба бо собун бишӯед ё бо маҳ-лулҳои антисептикӣ безарар гардонед!

*Даҳону биниро бо ниқобҳои тиббӣ маҳкам кунед!

*Аз ҳайвоноти хонагию ваҳшӣ дурӣ ҷӯед. Дар ҳолати баръакс дастонро бо собун шӯед ё бо маҳлулҳои антисептикӣ тамиз намоед!

*Гӯшт, тухм ва ширро пеш аз истеъмол бисёру хуб пазед!

* Хӯрокҳои серғизо истеъмол кунед. Ба варзиш машғул шавед!

* Аз иштирок дар чорабиниҳои серодам худдорӣ намоед!

* Бо шахсоне, ки гирифтори зуком ё ба ин монанд бемориҳоанд, дар робита бо онҳо боэҳтиёт бошед!

* ҳангоми эҳсоси нишонаҳои зуком ё бемории шадиди роҳи нафас ба духтур муроҷиат кунед!

*Ошхона, ҳаммом ва ҳоҷатхонаро тоза нигоҳ доред. ҳавои хонаро тез-тез иваз намоед!

Тавсияҳои мутахассисон

 

PostHeaderIcon Муроҷиатномаи фаъолони ҷомеаи шаҳрвандии ноҳияи Панҷ

ҳамдиёрони азиз!

Имрӯз мо, мардуми сарбаланди ноҳияи Панҷ, бо таъмин будани сулҳу субот ва ваҳдати комили миллӣ дар кишвари азизамон, ба рушду инкишофи минбаъдаи давлатамон эътимоди комил дошта, муроҷиатномаи Пешвои миллат муҳтарам Эмомалӣ Раҳмонро дар Иҷлосияи якуми Маҷлиси миллии Маҷлиси Олии Ҷумҳурии Тоҷикистон (даъвати шашум) ҳамаҷониба дастгирӣ менамоянд. Зеро бо пуштибонӣ аз сиёсати хирадмандонаи Пешвои муаззами миллат дар як фазои сулҳу субот кору зиндагӣ карда истодаем.

Дар шароити имрӯзаи созгори Ватани маҳбубамон, ки бевосита натиҷаи заҳматҳои шабонарӯзии Асосгузори сулҳу ваҳдати миллӣ-Пешвои муаззами миллат муҳтарам Эмомалӣ Раҳмон ва татбиқи самарабахши барномаҳои ҳадафраси кории ҳукумати Ҷумҳурии Тоҷикистон мебошад, ба ҳамаи сокинони баору номуси ноҳияамон имконият фароҳам омадааст, ки дар рушди иқтисодию иҷтимоӣ ва фарҳангии кишвари азизамон саҳми муносиб гузорем.

Тоҷикистони мо ҳамчун узви ҷомеаи ҷаҳонӣ аз таъсири ҳолати печидаву душвори дунё наметавонад дар амон монад. Пайдо шудану босуръат паҳн гардидани вабои коронавирус ба кишварҳои хурду бузурги олам ва ҳатто давлатҳои аз лиҳози техникиву технологӣ пешрафта зиёни сахти ҷониву молӣ расонида, боиси нигаронии ҷиддии ҷомеаи ҷаҳонӣ гардидааст. Хушбахтона, дар Ҷумҳурии Тоҷикистон ягон ҳолати сирояти Коронавирус ба қайд гирифта нашудааст. Вобаста ба вазъи баамаломада аз ҳар як шаҳрванди ноҳия даъват мекунем, ки дар пешгирӣ аз пайдоиш, интиқол ва паҳншавии ин вабо дар қаламрави ноҳияамон тавассути пурзӯр намудани маъракаи безараргардонии ҷойҳои ҷамъиятӣ, риояи гигиенаи шахсӣ ва тозаю озода нигоҳ доштани манзили зисту коргоҳҳо саҳми шоистаи худро гузоранд.

ҳукумати Ҷумҳурии Тоҷикистон аз оғози сар задани ин вабо тамоми тадбирҳои пешгирикунандаро андешида истодааст, то ки дар кишвари мо он паҳн нагардад ва ба мардум сироят накунад. Мо низ бояд бо истифода аз тамоми захираву имкониятҳо ба масъалаи ҳифзи саломатии худ эътибори аввалиндараҷа диҳем, ҳамкории хешро бо ҳукумати мамлакат ва мақомоти иҷроияи ҳокимияти давлатии вилояти Хатлон дар самти беҳдошти вазъи ҷомеа ва пешгирӣ кардани паҳншавии ин беморӣ дареғ надорем.

Моро дар пеш ҷашни бузурги умумимиллӣ-30 солагии Истиқлоли-яти давлатӣ интизор аст. Дар таҷлили сазовори ин ҷашн ҳар як нафар метавонад бо тозаву озода нигоҳ доштани манзил, таъмини шароити арзандаи зисту таҳсил барои фарзандон, ободонии маҳал, истифодаи самараноки обу замин саҳми намоён гузорад.

Пойбанди тарзи ҳаёти солим будан, тозагиву нафосат, поку озода намудани маҳалли зист, ободониву хуррамгардонӣ яке аз суннатҳои мардуми мост, ки чунин муносибат ба саломатӣ ва ба муҳити зист метавонад омили муҳими пешгирӣ аз пайдоиши ҳама гуна бемориҳои сироятӣ гардад.

Аз вакилони Маҷлиси вакилони халқи ноҳия, маҷлисҳои ҷамоатҳои шаҳраку деҳот, роҳбарони ташкилоту муассисаҳо,аъзоёни ҳизбҳои сиёсӣ, фаъолони маҳал даъват менамоем, ки дар миёни мардум корҳои ташвиқотию фаҳмондадиҳиро оид ба масъалаҳои таъмини амнияти озуқаворӣ, самараноку оқилона истифода намудани ҳар як ваҷаби замин, рӯёнидани ду- се ва ҳатто чор ҳосили зироатҳо, захираи дусолаи маводи ғизоӣ вусъат бахшанд. Бояд дар якҷоягӣ аз эҳтимоли ба тарсу таҳлуқа афтодаи омма пешгирӣ намоем, зеро зарари тарсу воҳима аз ҳар ҷиҳат аз худи беморӣ зиёдтар шуда, боиси ба вуҷуд омадани қаҳтиву қиматӣ ва наҳс мегардад.

Ба ҷойи воҳимаю таҳлуқа мо бояд тозагиву қоидаҳои беҳдоштиро ҷиддан риоя намуда, шаҳрвандонро ба истифодаи самарабахши замин-ҳои наздиҳавлигию наздиидоравӣ ҳидоят кунем.

Имрӯзҳо авзои ҷомеаи ҷаҳонӣ бо сабабҳои бӯҳрони шадиди сиёсӣ ва иқтисодию молиявӣ номуътадил буда, тибқи арзёбии Роҳбари давлатамон, ин вазъ аз нигоҳи амниятиву бехатарии ҳар як давлат ва шаҳрвандони он махсусан аз ибтидои соли 2020 нисбат ба давраи ҷанги дуюми ҷаҳон рӯз ба рӯз вазнину хатарнок гардида истодааст. Дар ин рӯзҳои ҳассос расонидани ёрӣ ба ятимону бепарасторон, пирони яккаву танҳо, оилаҳои камбизоатро низ набояд фаромӯш созем.

Мо бояд дар атрофи Пешвои муаззами миллат, Президенти мамлакатамон муҳтарам Эмомалӣ Раҳмон беш аз ҳар вақти дигар сарҷамъу муттаҳид бошем, раванди созандагиву бунёдкорӣ, кишти баҳорӣ ва дигар корҳои кишоварзиро вусъат бахшем, хулоса, ҳар яке дар ҷойи кори худ содиқонаву софдилона ва поквиҷдона заҳмат кашем, садоқату ҷавонмардӣ ва ҷоннисории худро нисбат ба Ватан, давлат ва ҳамдигар собит намоем.

Бовар дорем, ки мардуми шарафманди ноҳияи Панҷ дар корҳои созандагиву бунёдкорӣ беш аз пеш ташаббускору пешсаф гардида, дар якҷоягӣ ба рӯзу рӯзгори шоиста, татбиқи ҳадафҳои олии стратегии мамлакат ноил хоҳем шуд.

Муроҷиатномаи мазкур дар маҷлиси

фаъолони ноҳияи Панҷ санаи 20 апрели соли 2020 қабул гардид.

 

PostHeaderIcon Семоҳа натиҷагирӣ карда шуд

27020 апрели соли равон дар ҷаласаи васеи раиси ноҳия бо иштироки роҳбарон ва фаъолони ноҳия масъалаи «Натиҷаҳои рушди иҷтимоию иқтисодии ноҳияи Панҷ дар семоҳаи аввали соли 2020» мавриди баррасӣ қарор гирифт. Аз рӯи ҳамин масъала иштирокчиён гузориши муовини якуми раиси ноҳия Ш. Асомиддинзодаро шуниданд. Мавсуф дар бораи бурду бохти ноҳия ва соҳаҳои мухталифи он, рафти иҷрои дастуру супоришҳои Пешвои миллат, Сарвари кишвар, ки аз Паёмашон ба Маҷлиси Олии Ҷумҳурии Тоҷикистон бармеоянд, иҷрои нақшаҳои андоз дар семоҳаи аввал, камбудию нуқсонҳо дар ин бобат, рушди соҳаҳои кишоварзӣ, саноат, сохтмон, хизматрасониҳо, нақлиёт, алоқа, истифодаи самаранок ва мақсадноки маблағҳои буҷавӣ, рафти киштукори баҳорӣ ва таъмини амнияти озуқаворӣ, баланд бардоштани рӯҳияи мардуми ноҳия дар ҳамин давраи номусоиди ҷаҳони муосир, истифодаи самараноки ҳар як қитъаи замин ба хотири бартараф кардани душвориҳо дар оянда, баланд бардоштани масъулияти ҳар як шаҳрванди ноҳия вобаста ба вазъияти ба амаломада ва монанди инҳо барин мушкилоту масъалаҳои мубрами рӯз гузориш дод.

ҳамчунин дар шароити кунунӣ дуруст ва самаранок ба роҳ мондани кори таълиму тарбияи насли наврас, дар сатҳи баланд амалӣ намудани хизматрасонии тиббӣ аз ҷониби табибону кормандони соҳаи тандурустии ноҳия, сифатнок баргузор кардани чорабиниҳои фарҳангӣ, иҷрои амрҳои Президенти кишвар дар бораи озмунҳои «Фурӯғи субҳи доноӣ китоб аст» ва «Тоҷикистон-ватани азизи ман», ба китобхонӣ ва баланд бардоштани фарҳангу маънавиёти чи насли наврасу ҷавон ва чи насли миёнсолу калонсол аз масъалаҳое буданд, ки дар гузориш мушаххас баён карда шуданд.

271Баъд аз гузориш раиси ноҳия муҳтарам З. Шоҳиён аз роҳбарони соҳаҳои гуногун, аз ҷумла маориф, тандурустӣ, фарҳанг, кишоварзӣ ва амсоли инҳо пурсиш ба амал овард ва ҷиҳати рафъу бартараф намудани камбудиҳо, бо омодагии пурра истиқбол гирифтани ҷашни 30-юмин солгарди Истиқлолияти давлатии кишвари азизамон тавсияҳои мушаххас дод.

Дар ҷаласа Вазири рушди иқтисод ва савдои Ҷумҳурии Тоҷикистон муҳтарам З. Завқизода ва намояндаи мақомоти иҷроияи ҳокимияти давлатии вилояти Хатлон М. Зуҳурзода баромад карда, барои пешрафту суботи ояндаи ноҳия маслиҳату тавсияҳои судбахш доданд.

Дар ҷаласа ҳамзамон дар бораи паҳншавии бемории сироятии коронавирус СОVID-19, роҳҳои пешгирии он, ба тамоми шаҳрвандон дар бораи пешгирӣ кардани ин вабои аср, ки хушбахтона, то ҳол дар кишвари мо ба қайд гирифта нашудааст, маслиҳатҳои арзишманду судбахш дода, иҷрои тавсияҳо барои ҳар як фард қатъӣ дониста шуд.

Н. Фозилҷон, Гулчеҳра